11 Bat taem mi ting abaotem evri waka wea mi duim witim own hand blo mi and evriting wea mi waka hard for duim,+ mi lukim evri samting hem iusles nomoa, hem olsem man aftarem wind.+ No eni gud samting anda lo sun hem stap for olowe.+

26 Wanem gud samting nao man bae kasem sapos hem garem evri samting lo disfala world bat hem lusim laef blo hem?+ Or wat nao man bae givim for sevem laef blo hem?+

27 Iufala mas no waka for kaikai wea savve finis, bat iufala mas waka for kaikai wea no savve finis wea mekem man laef olowe,+ wea Son blo man nao bae givim lo iufala. Bikos God wea hem nao Dadi, hem putim mark lo hem finis for showim hem hapi lo hem.”+