12 Mi luksavve dat no eniting hem beta winim for olketa hapi and for duim gud samting lo laef blo olketa,+ 13 and tu, for each wan shud kaikai and drink and enjoyim evri hard waka blo hem. Diswan hem present from God.+

18 Diswan nao samting wea mi lukim wea hem gud and stret: dat man shud kaikai and drink and enjoyim evri hard waka+ wea hem duim anda lo sun lo tu-thri day wea hem laef wea tru God givim lo hem, bikos datwan hem reward* blo hem.+ 19 And tu, taem tru God givim riches and olketa material samting+ lo wanfala man witim wei for savve enjoyim olketa samting hia, hem shud tekem reward* blo hem and hapi lo hard waka blo hem. Diswan hem present from God.+