7 Solomon garem 12-fala deputy officer wea lukaftarem evriwan lo Israel wea provaedem kaikai for king, and olketa wea stap lo haos blo hem. Each wan lo olketa deputy hia garem responsibility for provaedem kaikai for wanfala month lo year.+

22 Kaikai for haos blo Solomon evriday hem 3,300 kilo* blo best flour, and 6,600 kilo* blo flour, 23 10-fala fat buluka, 20-fala buluka wea kaikaim grass, and 100 sheepsheep, witim samfala difren kaen deer, olketa gazelle,* and olketa roebuck,* and olketa fat cuckoo bird.

4 Taem queen blo Sheba lukim hao Solomon hem wise tumas,+ and lukim haos wea hem buildim,+ 5 olketa kaikai blo hem lo tebol,+ ples wea olketa servant blo hem sidaon, waka blo olketa wea servem kaikai and kaleko blo olketa, olketa wea lukaftarem wine blo hem, and olketa burnt offering* wea hem evritaem offerim lo haos blo Jehovah, queen hia no savve wanem for talem nao.*

21 Evriting wea King Solomon iusim for drink, olketa wakem lo gold, and evri samting insaed datfala Haos blo Forest blo Lebanon+ olketa wakem lo pure gold. Olketa no wakem eniting lo silver, bikos lo taem blo Solomon olketa ting lo silver olsem samting nating nomoa.+