• Joshua 23:14
    Niu World Transleison blo Holy Scripture

    • 14 “And lukim! Klosap nao bae mi dae,* and iufala barava savve gud witim full heart blo iufala and witim full laef* blo iufala, hao evri gudfala promis wea Jehovah, God blo iufala talem, hem no fail. Evri promis wea hem talem for iufala hem kamap tru. No eni toktok wea hem talem hem fail.+

  • Isaiah 55:10, 11
    Niu World Transleison blo Holy Scripture

    • 10 Olsem rain and snow wea foldaon kam from skae

      And no go bak lo skae go kasem taem hem watarem graon, and mekem olketa kaikai grow and garem frut,

      And givim seed for man plantim and bred* for man kaikaim,

      11 So toktok blo mi wea go aot from mouth blo mi bae olsem tu.*+

      Hem bae no kam bak nating lo mi,+

      Bat bae hem barava duim samting wea mi hapi lo hem,*+

      And bae hem barava happen olsem mi sendem hem for duim.

  • Zechariah 1:6
    Niu World Transleison blo Holy Scripture

    • 6 Bat, olketa toktok blo mi and olketa law blo mi wea mi komandim lo olketa servant blo mi, olketa profet, hem kasem nao olketa dadi blo iufala, iaman?’+ So olketa kam bak lo mi and olketa sei: ‘Jehovah, komanda blo olketa army, hem duim lo mifala wanem hem disaed finis for duim followim olketa wei blo mifala, and olketa samting wea mifala bin duim.’”+