34 Olketa king, olketa leader, olketa priest, and olketa grandadi blo mifala, olketa no obeyim Law blo iu and olketa komandment blo iu and olketa no followim olketa warning* wea iu givim lo olketa. 35 Nomata lo taem wea olketa king blo olketa rulim olketa and olketa kasem staka blessing from iu and stap lo land wea big and gudfala* wea iu givim lo olketa, olketa nating worshipim iu+ and olketa nating lusim olketa nogud wei blo olketa.

8 “O Jehovah, mifala kasem shame,* olketa king blo mifala, olketa leader blo mifala, and olketa grandadi blo mifala bikos mifala sin againstim iu.