• Ezekiel 18:7, 8
    Niu World Transleison blo Holy Scripture

    • 7 Hem no treatim nogud lo eniwan,+ bat hem givim bak samting wea wanfala man givim lo hem olsem security.+ Hem no steal from eniwan,+ bat hem givim kaikai blo hem lo man wea hangere+ and givim kaleko for kavarem man wea naked.+ 8 Hem no askem interest or tekem profit lo man wea kaon lo hem,+ bat hem stap klia lo wei for duim samting wea no stret.+ Hem evritaem judge followim justice and no fevarem wanfala man winim narawan.+

  • James 2:15, 16
    Niu World Transleison blo Holy Scripture

    • 15 Tingim sapos eniwan lo olketa brata or olketa sista hem short lo kaleko and hem no garem inaf kaikai for datfala day, 16 then wanfala lo iufala sei lo olketa, “Iufala go and no wari, bae iufala stap warm and garem kaikai,” bat iufala nating givim wanem olketa needim, datwan no savve helpem olketa, iaman?+