15 Lo datfala taem, mi lukim pipol lo Judah waka lo Sabbath,+ lo ples for smasem* grape for mekem wine, and olketa hipimap olketa bunch grain and loadim antap lo olketa donkey, and tekem kam wine, olketa grape, olketa fig, and olketa nara samting for kam salem lo Jerusalem lo Sabbath day.+ So mi warnim olketa for no salem eni samting lo datfala day.*

21 Diswan nao wanem Jehovah talem: “Lukluk gud lo wanem iufala duim. No karem eni hevi load lo Sabbath day or tekem kam insaed lo olketa gate blo Jerusalem.+