• Isaiah 59:7, 8
    Niu World Transleison blo Holy Scripture

    •  7 Tufala foot blo olketa ran for duim nogud samting,

      And olketa hariap for killim dae innocent man.+

      Tingting wea olketa garem hem for spoelem man.

      Trabol and bigfala sorre hem stap lo olketa road wea olketa followim.+

       8 Olketa no savve lo road blo peace,

      And olketa no followim justice lo laef blo olketa.+

      Road wea olketa mekem hem bend olobaot,

      Eniwan wea followim bae no savve lo wat nao trufala peace.+

  • Jeremiah 35:15
    Niu World Transleison blo Holy Scripture

    • 15 And mi sendem lo iufala, evri servant blo mi, olketa profet. Mi sendem olketa staka taem*+ for tok olsem lo iufala, ‘Plis, tane bak, each wan lo iufala from olketa wicked wei blo iufala,+ and duim stret samting! No wakabaot followim olketa nara god and worshipim olketa. Sapos iufala duim datwan iufala bae stap insaed land wea mi givim lo iufala and olketa grandadi blo iufala.’+ Bat iufala les for openem ear blo iufala or lisin lo mi.