42 Jesus sei lo olketa: “Hao, no enitaem iufala readim olketa Scripture wea sei: ‘Datfala ston wea olketa builder rejectim hem nao kamap datfala main kona ston.*+ Diswan hem kam from Jehovah,* and hem nambawan samting lo eye blo iumi’?+

44 And tu, man wea foldaon antap lo disfala ston bae pisis.+ And eniwan wea disfala ston foldaon antap lo hem, ston hia bae smasem hem.”+

17 Bat hem luk stret go lo olketa and sei: “Wanem nao mining blo disfala scripture wea sei: ‘Datfala ston wea olketa builder rejectim hem nao kamap datfala main kona ston’?*+ 18 Eniwan wea foldaon antap lo disfala ston bae pisis.+ And eniwan wea disfala ston foldaon antap lo hem, ston hia bae smasem hem.”

31 Bat olketa Israelite, nomata olketa waka hard for followim law mekem olketa raeteous, olketa nating kasem wat olketa aftarem. 32 Why nao olsem? Bikos olketa tingse olketa bae raeteous from wanem olketa duim, and no from faith. Olketa stambol lo datfala “ston wea mekem man stambol”;+ 33 olsem olketa Holy Raeting talem: “Lukim! Mi putim lo Zion wanfala ston+ for mekem man stambol and wanfala rock for mekem man feel nogud, bat eniwan wea putim faith lo hem bae no sorre.”+

23 bat iumi preach abaotem Christ wea pipol killim dae lo post, wea diswan mekem olketa Jew stambol bat lo olketa nation datwan hem karangge samting.+

7 Hem spesol lo iufala bikos iufala biliv, bat lo olketa wea no biliv, “datfala ston wea olketa builder rejectim+ hem nao kamap datfala main kona ston”*+ 8 and hem “wanfala ston for mekem man stambol and wanfala rock for mekem man feel nogud.”+ Olketa stambol bikos olketa no obeyim toktok blo God. Hem nao samting wea bae kasem kaen pipol olsem.