• Jeremiah 51:12
    Niu World Transleison blo Holy Scripture

    • 12 Putim ap wanfala saen*+ for attakim olketa wall blo Babylon.

      Sendem staka security gard, and putim olketa watchman lo position blo olketa.

      Redyim olketa wea bae attak haed.

      Bikos Jehovah hem mekem plan finis,

      And hem bae duim wanem hem promisim againstim olketa wea stap lo Babylon.”+

  • Jeremiah 51:27, 28
    Niu World Transleison blo Holy Scripture

    • 27 “Putim ap wanfala saen* lo datfala land.+

      Blowim horn midolwan olketa nation.

      Chusim* olketa nation for againstim hem.

      Kolem kam kingdom blo Ararat,+ Minni, and Ashkenaz+ for againstim hem.

      Appointim wanfala army officer for againstim hem.

      Mekem staka horse for kamap olsem olketa young locust.

      28 Chusim* olketa nation for againstim hem,

      Olketa king blo Media,+ olketa governor and evri deputy blo hem

      And evri land wea olketa rul ovarem.