• Jeremiah 48:46, 47
    Niu World Transleison blo Holy Scripture

    • 46 ‘Sorre lo iu, O Moab!

      Pipol blo Chemosh+ olketa finis nao.

      Bikos olketa tekem olketa son blo iu for go prisoner,

      And olketa dota blo iu for go prisoner.+

      47 Bat mi bae hipimap olketa blo Moab wea prisoner lo last part blo olketa day,’ hem nao wanem Jehovah talem.

      ‘Diswan nao end blo judgment message for Moab.’”+

  • Zephaniah 2:9
    Niu World Transleison blo Holy Scripture

    •  9 So mi promis lo laef blo miseleva,” diswan nao samting wea Jehovah, komanda blo olketa army, wea hem God blo Israel, hem talem,

      “Moab bae kamap olsem Sodom,+

      And olketa Ammonite bae olsem Gomorrah,+

      Wanfala ples wea garem staka nettle plant, wanfala pool solt, and wanfala land wea stap nating for olowe.+

      Pipol blo mi wea stap yet bae attakim olketa,

      Smol sekson blo nation blo mi wea stap yet bae aotem olketa from there.