• Isaiah 40:9
    Niu World Transleison blo Holy Scripture

    •  9 Go antap lo hae maunten,

      Iu woman wea tekem kam gud nius for Zion.+

      Singaot big witim strong voice,

      Iu woman wea tekem kam gud nius for Jerusalem.

      Singaot big, no fraet.

      Talemaot lo olketa taon lo Judah: “God blo iufala lo hia.”+

  • Jeremiah 31:12
    Niu World Transleison blo Holy Scripture

    • 12 Olketa bae kam and singaot bikos olketa hapi antap lo Maunt Zion+

      And olketa bae shaen bikos lo olketa gudfala samting wea olketa kasem from Jehovah,

      Bikos lo grain and niu wine+ and oil,

      And bikos lo olketa young sheepsheep and young buluka.+

      Olketa* bae kamap olsem wanfala garden wea olketa watarem gud,+

      And no enitaem bae olketa luk wik moa.”+

  • Jeremiah 33:10, 11
    Niu World Transleison blo Holy Scripture

    • 10 “Diswan nao wanem Jehovah talem: ‘Lo disfala ples wea iu sei hem bae wanfala land wea stap nating, wea no eni man or animal stap lo hem, lo olketa taon blo Judah and lo olketa street lo Jerusalem wea emti, wea no eni man or pipol or animal stap lo hem, bae olketa herem moa 11 saond blo pipol wea feel gud and saond blo pipol wea hapi,+ voice blo groom and voice blo bride, voice blo olketa wea sei: “Talem thankiu lo Jehovah, komanda blo olketa army, bikos Jehovah hem gud.+ Loyal love* blo hem stap for olowe!”’+

      “‘Olketa hia bae tekem kam olketa thanksgiving offering* insaed haos blo Jehovah,+ bikos mi bae tekem kam bak olketa prisoner blo disfala land, olsem mi duim lo firstaem,’ diswan nao wanem Jehovah talem.”