72 O God, iu mekem king for hem judge followim wei blo iu,

And givim raeteous wei blo iu lo son blo king.+

 8 Pipol blo hem bae stap* start from sea lo wansaed go kasem sea lo narasaed

And start from datfala River* go kasem olketa farawe ples lo earth.+

 9 Evri pipol wea iu nao wakem

Bae kam and baodaon front lo iu, O Jehovah,+

And olketa bae givim glory lo nem blo iu.+

4 Lo last part blo olketa day,*

Datfala maunten wea haos blo Jehovah stap lo hem+

Bae hem barava stap strong, and hae ovam top blo olketa maunten,

And bae hem kamap hae ovam olketa hill,

And olketa pipol bae go lo hem.+

“Kam, iumi go ap lo maunten blo Jehovah

And lo datfala haos blo God blo Jacob.+

Hem bae teachim iumi olketa wei blo hem,

And iumi bae wakabaot followim road blo hem.”

Bikos law* bae go aot from Zion,

And toktok blo Jehovah bae go aot from Jerusalem.

 3 Hem bae givim judgment midolwan staka pipol+

And stretem evri samting for helpem olketa maeti nation wea stap farawe.

Olketa bae hamarem sword blo olketa for kamap olketa hou

And spia blo olketa for kamap olketa naef for pruning.+

Nation bae no iusim sword for againstim nara nation,

Olketa bae no enitaem lanem moa hao for faet.+