• Isaiah 9:7
    Niu World Transleison blo Holy Scripture

    •  7 And waka blo hem for rul* bae kamap big

      And peace, bae no savve end,+

      Lo throne blo David+ and lo kingdom blo hem

      Mekem kingdom hia savve stap strong+ and for hem gohed

      Followim justice+ and raeteous fasin,+

      Start distaem and for olowe.

      Strong wea kam from Jehovah, komanda blo olketa army, bae duim diswan.

  • Isaiah 11:4, 5
    Niu World Transleison blo Holy Scripture

    •  4 Hem bae judgem olketa man nating followim raeteous wei,

      And hem bae givim kaonsel followim stret samting for helpem olketa hambol wan lo earth.

      Hem bae panisim pipol lo earth witim stik lo mouth blo hem+

      And killim dae olketa wicked man lo brith* from lips blo hem.+

       5 Raeteous fasin bae olsem belt raonem waist blo hem,

      And faithful fasin olsem belt lo hips blo hem.+

  • Jeremiah 23:5
    Niu World Transleison blo Holy Scripture

    • 5 “Lukim! Taem bae kam,” diswan nao wanem Jehovah talem, “taem mi bae mekem wanfala niu sut* wea raeteous for kamaot from laen blo David.+ Hem bae rul+ and duim samting wea wise and judge followim justice and duim raeteous samting lo disfala land.+

  • Zechariah 9:9
    Niu World Transleison blo Holy Scripture

    •  9 Iu mas barava hapi, O dota blo Zion.

      Singaot big from iu win, O dota blo Jerusalem.

      Lukim! King blo iu hem kakam nao for iu.+

      Hem raeteous, and kam for sevem iu,*

      Hem hambol+ and raedem wanfala donkey,

      Antap wanfala young donkey,* wea hem pikinini blo wanfala mere donkey.+