• Jeremiah 9:4, 5
    Niu World Transleison blo Holy Scripture

    •  4 “Iufala evriwan, keakea lo fren blo iufala,

      And iufala mas no even trustim brata blo iufala.

      Bikos evriwan lo olketa bae trae for trikim iufala,+

      And evri fren bae spredim laea story for spoelem nem blo iufala.+

       5 Each wan ravem narawan,

      And no eniwan talem tru samting.

      Olketa teachim tongue blo olketa for talem laea samting.+

      Olketa taed tumas bikos lo staka nogud samting wea olketa duim.

  • Micah 3:2, 3
    Niu World Transleison blo Holy Scripture

    •  2 Bat iufala heitim gud samting+ and lovem nogud samting.+

      Iufala tearem aot skin blo pipol blo mi and meat from bon blo olketa.+

       3 And iufala kaikaim tu meat lo body blo pipol blo mi+

      And aotem skin blo olketa,

      And smasem bon blo olketa gogo olketa pisis,+

      Olsem samting wea kuki insaed wanfala pot,* olsem meat wea kuki insaed wanfala pot.