• 2 Kings 19:22-24
    Niu World Transleison blo Holy Scripture

    • 22 Iu tingse hu nao iu tok spoelem and tok againstim?+

      Iu tingse hu nao iu singaot big lo hem+

      And iu lukdaonem?

      Iu duim datwan againstim datfala Holy Wan blo Israel!+

      23 Iu sendem olketa messenger blo iu+ for tok spoelem Jehovah+ and sei,

      ‘Witim staka war chariot blo mi

      Mi bae klae go ap antap lo olketa maunten,

      Lo olketa farawe ples lo Lebanon.

      Mi bae katem daon olketa tol cedar tree blo olketa, olketa best juniper tree blo olketa.

      Mi bae go lo olketa farawe ples blo olketa, lo midol bush blo olketa.

      24 Mi bae digim olketa well and drinkim olketa wata lo olketa nara ples.

      Mi bae draem evri stream* lo Egypt witim andanit lo foot blo mi.’

  • Isaiah 10:20
    Niu World Transleison blo Holy Scripture

    • 20 Lo datfala day, olketa blo Israel wea stap yet

      And olketa lo laen blo Jacob wea stap laef yet

      Bae no depend moa lo man wea attakim olketa for sapotim olketa.+

      Bat olketa bae depend lo Jehovah for sapotim olketa,

      Datfala Holy Wan blo Israel, and faithful lo hem.

  • Ezekiel 39:7
    Niu World Transleison blo Holy Scripture

    • 7 Mi bae mekem pipol blo mi Israel for savve lo holy nem blo mi midolwan lo olketa, and bae mi no letem olketa for spoelem moa holy nem blo mi, and bae olketa nation mas savve dat mi nao Jehovah,+ datfala Holy Wan lo Israel.’+