• Mark 1:2-4
    Niu World Transleison blo Holy Scripture

    • 2 Olsem profet Isaiah bin raet abaotem: “(Lukim! Mi bae sendem messenger blo mi go firstaem lo iu,* wea bae redyim road for iu.)+ 3 Wanfala voice blo samwan hem singaot kam from wilderness: ‘Redyim road blo Jehovah!* Mekem olketa road blo hem stret.’”+ 4 John Baptaesa stap lo wilderness, and hem talem pipol for baptaes, wea datwan hem for showimaot olketa repent mekem God forgivim sin blo olketa.+

  • Luke 3:3-6
    Niu World Transleison blo Holy Scripture

    • 3 So hem go lo evri ples raonem Jordan River, hem talem pipol for baptaes, wea datwan hem for showimaot olketa repent mekem God forgivim sin blo olketa,+ 4 olsem olketa raet abaotem insaed lo buk blo profet Isaiah, wea sei: “Wanfala voice blo samwan hem singaot kam from wilderness: ‘Redyim road blo Jehovah!* Mekem olketa road blo hem stret.+ 5 Evri valley mas fulap witim graon, and evri maunten and hill mas level. Olketa road wea bend olobaot mas kamap stret, and olketa road wea raf mas smooth, 6 and evri pipol bae lukim samting wea God duim for sevem pipol.’”+