-
Jeremiah 14:13Niu World Transleison blo Holy Scripture
-
-
13 Then mi sei: “O Sovereign Lord Jehovah! Olketa profet sei lo pipol hia, ‘Iufala bae no lukim sword, and bigfala hangere bae no kasem iufala, bat God bae givim iufala trufala peace lo disfala ples.’”+
-
-
Jeremiah 23:16, 17Niu World Transleison blo Holy Scripture
-
-
16 Diswan nao wanem Jehovah, komanda blo olketa army, hem talem:
“Iufala mas no lisin lo toktok blo olketa profet wea talem profesi lo iufala.+
Olketa laea lo iufala.*
17 Staka taem olketa sei lo pipol wea no respectim mi,
‘Jehovah sei: “Iufala bae garem peace.”’+
And lo eniwan wea followim heart blo hemseleva wea bighed, olketa sei,
‘No eni trabol bae kasem iufala.’+
-
-
Jeremiah 28:1, 2Niu World Transleison blo Holy Scripture
-
-
28 Lo datfala sem year, lo start lo rul blo King Zedekiah+ blo Judah, lo mek-fo year, lo mek-faev month, profet Hananiah, son blo Azzur, from Gibeon,+ sei lo mi insaed lo haos blo Jehovah front lo olketa priest and evri pipol lo there: 2 “Diswan nao wanem Jehovah, komanda blo olketa army, wea hem God blo Israel, hem talem, ‘Mi bae brekem yoke* blo king blo Babylon.+
-