“Mi bae againstim iu, Pharaoh, king blo Egypt,+

Datfala big animal lo sea wea leidaon lo olketa stream lo Nile River* blo hem,+

Wea tok olsem, ‘Disfala Nile River hem blo mi.

2 “Son blo man, singim wanfala singsing blo sorre abaotem Pharaoh, king blo Egypt, and sei lo hem,

‘Iu olsem wanfala strong young lion blo olketa nation,

Bat olketa mekem iu for kwaet.

Iu bin olsem wanfala big animal lo sea,+ wea splash olobaot lo olketa river blo iu,

Iu mekem river hem mud witim leg blo iu and mekem olketa river smel nogud.’