• Jeremiah 10:12-16
    Niu World Transleison blo Holy Scripture

    • 12 Hem nao Man wea Wakem earth witim paoa blo hem,

      Hem nao God wea iusim wisdom blo hem for wakem graon+

      And hem iusim savve blo hem for spredim aot skae.+

      13 Voice blo hem,

      Mekem olketa wata lo skae for mek noes,+

      And hem kosim olketa cloud* for go ap from evri ples lo earth.+

      Hem mekem laetning for kam witim* rain,

      And hem tekem aot wind from olketa stoahaos blo hem.+

      14 Evri man duim karangge samting wea showim olketa no garem knowledge.

      Eniwan wea mekem samting from metal bae shame bikos lo idol wea hem wakem.+

      Bikos metal idol wea hem wakem* hem false samting,

      And no eni laef* insaed lo olketa.+

      15 Olketa hia false* samting nomoa, wea fitim for pipol mekfani abaotem.+

      Lo day blo olketa for kasem judgment, bae olketa nomoa nao.

      16 God* blo Jacob hem no olsem olketa hia,

      Bikos hem nao God wea wakem evri samting,

      And Israel hem walking stik blo hem, inheritance blo hem.+

      Nem blo hem Jehovah,+ komanda blo olketa army.