17 King blo Babylon markem Mattaniah, wea hem uncle blo Jehoiachin,+ for kamap king changem hem, and hem changem nem blo hem go lo Zedekiah.+

18 Zedekiah hem 21 years old taem hem kamap king, and hem rul lo Jerusalem for 11 years. Nem blo mami blo hem Hamutal,+ dota blo Jeremiah from Libnah. 19 Hem gohed for duim samting wea nogud lo eye blo Jehovah, followim evri samting wea Jehoiakim bin duim bifor.+ 20 Jehovah hem kros tumas lo olketa, dastawe olketa samting hia happen lo Jerusalem and lo Judah, go kasem taem hem aotem olketa mekem hem no lukim olketa moa.+ And Zedekiah bighed againstim king blo Babylon.+

11 Zedekiah+ hem 21 years old taem hem kamap king, and hem rul lo Jerusalem for 11 years.+ 12 Hem gohed for duim samting wea nogud lo eye blo Jehovah, God blo hem. Hem no mekem hemseleva for hambol front lo profet Jeremiah,+ wea talemaot toktok blo Jehovah.