• Joshua 23:6, 7
    Niu World Transleison blo Holy Scripture

    • 6 “Distaem iufala mas barava strong for obeyim evri law wea olketa raetem lo buk blo Law+ blo Moses, and iufala mas no go difren lo raet or lo left from law hia,+ 7 and iufala mas no mix witim olketa nation+ wea stap witim iufala. Iufala mas no storyim nem blo olketa god blo olketa,+ or talem promis lo nem blo olketa god hia, and iufala mas no worshipim olketa or baodaon lo olketa.+

  • Jeremiah 12:16
    Niu World Transleison blo Holy Scripture

    • 16 “And sapos eniwan lo olketa nation hia lanem olketa wei blo pipol blo mi and talem promis olsem lo nem blo mi, ‘Olsem Jehovah hem laef,’ wea hem nao hao olketa teachim pipol blo mi for talem promis lo nem blo Baal, olketa bae kasem blessing midolwan lo pipol blo mi.

  • Zephaniah 1:4, 5
    Niu World Transleison blo Holy Scripture

    •  4 “Mi bae liftimap hand blo mi againstim Judah

      And againstim evriwan wea stap lo Jerusalem,

      And mi bae finisim from disfala ples evriting wea join witim worship blo Baal,+

      And nem blo olketa priest blo god blo olketa nara nation witim olketa priest tu,+

       5 And olketa wea stap antap ruf and baodaon lo evri samting wea stap lo skae,*+

      And olketa wea baodaon and promis for loyal lo Jehovah+

      Bat lo semtaem promis for loyal lo Malcam.+