21 Bikos king blo Babylon stop for iusim divination* taem hem kasem ples wea road divaed lo tufala road. Hem sekem olketa arrow blo hem. Hem faendemaot tingting blo olketa idol* blo hem, hem lukluk gud lo liver blo animal. 22 Datfala divination wea hem duim lo raet hand blo hem point go lo Jerusalem, for putim ap olketa big timba raonem, for givim toktok for killim dae pipol, for singaot big for redi for faet, for putim ap olketa bigfala timba for stopem olketa gate, for hipimap graon raonem for attakim, and for buildim wall raonem hem.+