13 Jehovah iusim olketa profet and evri man for lukim vision for gohed warnim pipol blo Israel and Judah,+ and sei: “Iufala lusim olketa rabis wei blo iufala!+ Iufala obeyim olketa komandment blo mi and olketa law blo mi, followim evri law wea mi komandim lo olketa grandadi blo iufala and wea mi sendem olketa profet wea hem olketa wakaman blo mi for talem lo iufala.”

15 Jehovah, God blo olketa grandadi blo olketa gohed sendem olketa messenger for warnim olketa evritaem, bikos hem feel sorre for pipol blo hem and for temple blo hem.*

17 Olketa les for lisin,+ and olketa nating tingim olketa mirakol wea olketa lukim iu duim for olketa and olketa bighed* and chusim wanfala leader for tekem olketa go bak for slave lo Egypt.+ Bat iu, iu God wea redi for forgive, tingim* man, garem bigfala mercy, no savve kros kwiktaem and loyal love*+ blo iu big tumas, and iu nating lusim olketa.+

30 Iu patient witim olketa+ for staka year, and iu givim holy spirit blo iu lo olketa profet blo iu mekem olketa warnim olketa bat olketa les for lisin. Gogo, iu givim olketa lo hand blo olketa nation wea stap raonem olketa.+

4 And Jehovah sendem evri servant blo hem, olketa profet lo iufala. Hem sendem olketa staka taem* bat iufala les for lisin or openem ear blo iufala.+