• Deuteronomy 12:29-31
    Niu World Transleison blo Holy Scripture

    • 29 “Jehovah, God blo iufala, bae finisim evri nation wea iufala bae ronem aot,+ and iufala bae stap insaed land blo olketa. 30 Bat bihaen God hem finisim olketa front lo eye blo iufala, iufala mas keakea for no foldaon insaed sem trap olsem olketa. No ask abaotem olketa god blo olketa and sei, ‘Wat nao olketa nation hia savve duim taem olketa worshipim olketa god blo olketa? Mi tu bae duim sem samting.’+ 31 Iufala mas no worshipim Jehovah, God blo iufala, lo wei olsem bikos taem olketa nation hia worshipim olketa god blo olketa, olketa duim evri nogud samting wea Jehovah heitim. Olketa bonem tu olketa son and olketa dota blo olketa lo fire for olketa god blo olketa.+

  • 2 Kings 17:17
    Niu World Transleison blo Holy Scripture

    • 17 And tu, olketa sakrifaesim olketa son and olketa dota blo olketa lo fire,*+ olketa duim divination*+ and olketa lukaotem mining blo olketa saen, and olketa gohed for givim* olketa seleva for duim samting wea nogud lo eye blo Jehovah, for mekem hem feel nogud.

  • 2 Chronicles 33:6
    Niu World Transleison blo Holy Scripture

    • 6 And hem sakrifaesim olketa son blo hem lo fire*+ lo Valley blo Son blo Hinnom.+ Hem duim magic,+ duim divination,* iusim demon for spoelem man, hem appointim olketa wea bae story witim olketa demon and olketa wea talem wanem bae happen lo future.+ Hem duim olketa samting wea barava nogud lo eye blo Jehovah, for mekem hem feel nogud.

  • Ezekiel 20:31
    Niu World Transleison blo Holy Scripture

    • 31 And kam kasem tuday, waswe, iufala still mekem iufala seleva no klin taem iufala mekem olketa sakrifaes go lo olketa barava rabis idol blo iufala, for sakrifaesim olketa son blo iufala lo fire?+ O pipol blo Israel, iufala tingse bae mi givim ansa lo iufala for samting iufala askem?”’+

      “‘Mi promis lo laef blo miseleva,’ Sovereign Lord Jehovah talem, ‘Bae mi no givim ansa lo iufala for samting iufala askem.+