• Deuteronomy 4:19
    Niu World Transleison blo Holy Scripture

    • 19 Taem iufala luk go ap and lukim sun, moon, olketa star, wea hem evri army lo skae, iufala mas no laek for baodaon lo olketa and worshipim olketa.+ Jehovah, God blo iufala, hem givim evri samting hia lo evri pipol wea stap andanit lo skae.

  • 2 Kings 21:3
    Niu World Transleison blo Holy Scripture

    • 3 Hem buildim bak olketa hae ples* wea dadi blo hem Hezekiah bin distroem,+ and hem wakem olketa altar blo Baal and wakem post for worship*+ olsem Ahab, king blo Israel bin duim.+ And hem baodaon lo evri samting wea stap lo skae and hem worshipim olketa.+

  • Jeremiah 19:13
    Niu World Transleison blo Holy Scripture

    • 13 And olketa haos lo Jerusalem and olketa haos blo olketa king lo Judah bae no klin olsem disfala ples, Topheth,+ bikos olketa offerim olketa sakrifaes antap lo ruf lo haos blo olketa go lo evri samting wea stap lo skae*+ and olketa pourim olketa drink offering* go lo olketa nara god.’”+

  • Ezekiel 8:16
    Niu World Transleison blo Holy Scripture

    • 16 So hem tekem mi kam lo courtyard insaed, lo haos blo Jehovah.+ And lo front lo temple blo Jehovah, between datfala varanda and datfala altar, samting olsem 25-fala man nao lo there, and olketa tanem baksaed blo olketa go lo temple blo Jehovah and feis go lo east. Olketa gohed baodaon lo sun wea kamap lo east.+

  • Zephaniah 1:4, 5
    Niu World Transleison blo Holy Scripture

    •  4 “Mi bae liftimap hand blo mi againstim Judah

      And againstim evriwan wea stap lo Jerusalem,

      And mi bae finisim from disfala ples evriting wea join witim worship blo Baal,+

      And nem blo olketa priest blo god blo olketa nara nation witim olketa priest tu,+

       5 And olketa wea stap antap ruf and baodaon lo evri samting wea stap lo skae,*+

      And olketa wea baodaon and promis for loyal lo Jehovah+

      Bat lo semtaem promis for loyal lo Malcam.+