39 Lo datfala taem, king blo Babylon, Merodach-baladan son blo Baladan, hem sendem olketa leta and wanfala present go lo Hezekiah,+ bikos hem herem dat Hezekiah bin sik and hem gud bak nao.+ 2 Hezekiah hapi for welkamim* olketa and showim lo olketa haos wea hem keepim olketa riches blo hem,+ olketa silver, olketa gold, balsam* oil, and olketa nara spesol oil, and ples wea hem keepim olketa weapon blo hem for faet, and evriting lo ples wea hem keepim olketa riches blo hem. Hezekiah showim lo olketa evriting lo haos* blo hem, and lo kingdom blo hem.