• Deuteronomy 28:12
    Niu World Transleison blo Holy Scripture

    • 12 Jehovah bae openem skae olsem wanfala man wea openem stoahaos blo hem wea fulap lo kaikai, for mekem rain foldaon lo land blo iufala lo season blo hem,+ and for blessim evri samting wea iufala duim. Staka nation bae kaon lo iufala bat iufala bae no need for kaon lo eniwan.+

  • Isaiah 30:23
    Niu World Transleison blo Holy Scripture

    • 23 And hem bae givim kam rain for seed wea iu plantim lo graon,+ and kaikai wea kamaot from graon hia bae hem staka fogud and barava healthy.*+ Lo datfala day, olketa animal blo iu bae kaikaim grass lo olketa big open ples wea garem olketa grass.+

  • Joel 2:23
    Niu World Transleison blo Holy Scripture

    • 23 Iufala olketa son blo Zion, iufala hapi and feel gud lo olketa samting wea Jehovah, God blo iufala bae duim.+

      Bikos bae hem givim iufala inaf rain blo autumn season wea graon needim,

      And bae hem givim big rain for foldaon lo iufala,

      Rain blo autumn season and rain blo spring season, olsem lo bifor.+