14 Then Jehovah sei lo mi: “Olketa profet hia talem laea profesi lo nem blo mi.+ Mi nating sendem olketa or komandim olketa or story lo olketa.+ Olketa profesi wea olketa talem lo iufala hem followim vision wea no tru, and iusles divination,* and laea tingting wea stap insaed heart blo olketa seleva nomoa.+

15 Then profet Jeremiah sei lo profet Hananiah:+ “Plis, lisin, O Hananiah! Jehovah nating sendem iu bat iu mekem pipol hia for bilivim samting wea no tru.+

21 Diswan nao wanem Jehovah, komanda blo olketa army, wea hem God blo Israel, hem talem abaotem Ahab, son blo Kolaiah, and abaotem Zedekiah, son blo Maaseiah, wea talem olketa laea profesi lo iufala lo nem blo mi,+ ‘Mi bae givim tufala lo hand blo King Nebuchadnezzar* blo Babylon, and hem bae killim dae tufala front lo eye blo iufala.