14 Then Jehovah sei lo mi: “Olketa profet hia talem laea profesi lo nem blo mi.+ Mi nating sendem olketa or komandim olketa or story lo olketa.+ Olketa profesi wea olketa talem lo iufala hem followim vision wea no tru, and iusles divination,* and laea tingting wea stap insaed heart blo olketa seleva nomoa.+

15 “‘Mi nating sendem olketa,’ hem nao wanem Jehovah talem, ‘bat olketa talem olketa laea profesi lo nem blo mi, and sapos iufala lisin lo olketa, mi bae sendem iufala go lo olketa difren ples and iufala bae finis, iufala and olketa profet hia wea talem profesi lo iufala.’”+

8 Bikos diswan nao wanem Jehovah, komanda blo olketa army, wea hem God blo Israel, hem talem: “No bilivim olketa profet blo iufala and olketa wea savve duim divination* wea stap witim iufala wea laea lo iufala,+ and no lisin lo olketa dream blo olketa. 9 Bikos ‘olketa talem olketa laea profesi lo nem blo mi. Mi nating sendem olketa,’+ hem nao wanem Jehovah talem.”’”