-
2 Kings 17:13, 14Niu World Transleison blo Holy Scripture
-
-
13 Jehovah iusim olketa profet and evri man for lukim vision for gohed warnim pipol blo Israel and Judah,+ and sei: “Iufala lusim olketa rabis wei blo iufala!+ Iufala obeyim olketa komandment blo mi and olketa law blo mi, followim evri law wea mi komandim lo olketa grandadi blo iufala and wea mi sendem olketa profet wea hem olketa wakaman blo mi for talem lo iufala.” 14 Bat olketa nating lisin, and olketa gohed nomoa for bighed olsem* olketa grandadi blo olketa wea nating showimaot faith lo Jehovah, God blo olketa.+
-
-
Jeremiah 7:12-14Niu World Transleison blo Holy Scripture
-
-
12 “‘Bat iufala go lo datfala ples lo Shiloh,+ wea hem first ples wea mi chusim for nem blo mi stap lo hem,+ and lukim samting wea mi duim lo hem bikos lo olketa nogud samting wea pipol blo mi Israel duim.+ 13 Bat iufala gohed for duim evri samting hia,’ hem nao wanem Jehovah talem, ‘and nomata mi story witim iufala staka taem,* iufala nating lisin.+ Mi gohed kolem iufala bat iufala nating ansarem mi.+ 14 So mi bae duim sem samting wea mi duim lo Shiloh,+ lo disfala haos wea nem blo mi stap lo hem,+ wea iufala trustim,+ and lo disfala temple wea mi givim lo iufala and lo olketa grandadi blo iufala.
-