• Exodus 34:6, 7
    Niu World Transleison blo Holy Scripture

    • 6 Jehovah go pas front lo Moses and sei: “Jehovah, Jehovah, hem God wea garem bigfala mercy,+ hem tingim* man,+ hem no savve kros kwiktaem,+ loyal love* blo hem big tumas,+ hem talem tru samting* evritaem,+ 7 hem showim loyal love lo staka thousand pipol,+ hem forgivim olketa wea duim mistek, rong samting, and sin,+ bat hem bae no letem wicked man for misstim panis,+ and panis for sin blo dadi bae kasem olketa son and olketa granson, and mek-thri genereson and mek-fo genereson.”+

  • Jeremiah 46:27, 28
    Niu World Transleison blo Holy Scripture

    • 27 ‘Bat iu, servant blo mi Jacob, iu mas no fraet,

      And iu mas no seksek, O Israel.+

      Bikos mi bae sevem iu from ples wea farawe

      And olketa pikinini* blo iu from land wea olketa prisoner lo hem.+

      Jacob bae kam bak and hem bae stap gud and garem peace,

      And no eniwan bae mekem olketa fraet.+

      28 So iu mas no fraet, servant blo mi Jacob,’ hem nao wanem Jehovah talem, ‘bikos mi stap witim iu.

      Mi bae finisim evri nation wea mi sendem pipol blo iu go lo olketa,+

      Bat bae mi no finisim iu.+

      Mi bae givim discipline lo iu wea* hem fitim,+

      Bat bae mi no letem iu for misstim panis.’”