33 And mi bae mekem iufala go stap lo olketa nation,+ and mi bae mekem olketa enemy blo iufala for kam faet againstim iufala witim sword.+ And land blo iufala bae emti,+ and olketa taon blo iufala bae distroe.

64 “Jehovah bae mekem iufala go stap midolwan lo olketa nation, start lo wansaed blo earth go kasem narasaed blo earth,+ and taem iufala lo there iufala bae worshipim olketa god wea olketa wakem from wood and ston, wea iufala and olketa grandadi blo iufala nating savve lo olketa.+

9 And mi bae mekem olketa kamap samting wea evri kingdom lo earth+ seke lo hem taem olketa lukim trabol wea mi bae mekem for kasem olketa. Pipol bae tok spoelem olketa, and storyim olketa olsem example blo pipol wea kasem trabol. Pipol bae tok spoelem olketa and talem olketa nogud samting+ lo olketa lo evri ples wea mi sendem olketa go lo hem.+