17 “And Edom mas kamap samting wea pipol seke lo hem.+ Evriwan wea wakabaot go pas lo hem bae lukluk strong lo hem and tok spoelem hem* bikos lo evri trabol wea kasem hem. 18 Olsem Sodom and Gomorrah and olketa taon wea stap klosap lo tufala wea distroe,”+ diswan nao wanem Jehovah talem, “no eniwan bae stap lo Edom, and no enitaem moa eni man bae setol lo there.+

13 so diswan nao wanem Sovereign Lord Jehovah hem talem: “Mi bae stretem hand blo mi tu againstim Edom and finisim olketa man and olketa animal from hem, and bae mi mekem hem for stap emti.+ Start lo Teman go kasem Dedan, olketa bae dae lo sword.+

4 “Nomata Edom sei, ‘Olketa pisisim mifala bat mifala bae go bak and buildim bak moa olketa ples wea distroe,’ bat diswan nao wanem Jehovah, komanda blo olketa army, hem talem, ‘Olketa bae buildim bat mi bae distroem, and pipol bae kolem olketa lo “territory blo wicked fasin” and “pipol wea Jehovah panisim olketa for olowe.”+