12 “Diswan nao wanem Sovereign Lord Jehovah hem talem: ‘Edom bin duim samting for againstim pipol blo Judah, and olketa samting wea hem duim for pei bak lo olketa mekem hem barava guilty,+ 13 so diswan nao wanem Sovereign Lord Jehovah hem talem: “Mi bae stretem hand blo mi tu againstim Edom and finisim olketa man and olketa animal from hem, and bae mi mekem hem for stap emti.+ Start lo Teman go kasem Dedan, olketa bae dae lo sword.+

10 “Bikos iufala tok olsem, ‘Tufala nation hia and tufala land hia bae hem blo mi, and mifala bae tekem tufala evriwan for mifala onam,’+ nomata Jehovah stap lo there, 11 ‘so mi promis lo laef blo miseleva,’ hem nao wanem Sovereign Lord Jehovah talem, ‘Mi bae treatim iufala semsem olsem hao iufala kros lo olketa and iufala jealous lo olketa from iufala heitim olketa.+ And midolwan lo olketa mi bae mekem olketa for savve lo mi taem mi judgem iufala.