5 Iufala bae separatem wheat from skin blo hem gogo kasem taem for harvestim grape, and iufala bae harvestim grape gogo kasem taem for plantim kaikai. And iufala bae kaikaim bred gogo iufala satisfae and iufala bae stap gud lo land blo iufala.+ 6 Mi bae mekem iufala garem peace lo datfala land,+ and iufala bae leidaon and no eniwan bae mekem iufala fraet.+ Mi bae ronem olketa wild animal from datfala land, and no eniwan bae againstim iufala witim sword lo land blo iufala.