6 “Tekem kam tribe blo Levi+ for standap front lo Aaron wea hem priest, and olketa bae helpem+ hem. 7 Olketa Levite bae duim waka blo olketa insaed lo tent for meeting. Taem olketa duim datwan olketa duim responsibility blo olketa for Aaron and responsibility blo olketa for full nation blo Israel lo disfala tent. 8 Olketa Levite bae lukaftarem equipment+ blo datfala tent for meeting. And olketa bae duim responsibility blo olketa for olketa Israelite taem olketa duim olketa waka insaed lo datfala tabernacle.+

22 Evriwan wea olketa chusim for security gard lo door for kam insaed hem 212 man. Olketa stap lo olketa vilij blo olketa followim famili tree blo olketa.+ David and Samuel wea hem seer*+ appointim olketa hia wea olketa trustim. 23 Olketa man hia and olketa son blo olketa lukaftarem waka for gaedem olketa gate lo haos blo Jehovah,+ wea hem tent.