• Psalms 80:14-16
    Niu World Transleison blo Holy Scripture

    • 14 O God, komanda blo olketa army, plis kam bak.

      Luk kam daon from heven and lukim!

      Lukaftarem disfala vine,+

      15 Disfala main stem blo vine wea raet hand blo iu plantim,+

      And luk kam lo datfala son* wea iu strongim for iu.+

      16 Olketa katem daon, and bonem lo fire.+

      Kros blo iu nao finisim olketa.

  • Isaiah 5:24
    Niu World Transleison blo Holy Scripture

    • 24 So, olsem fire hem kaikaim stik blo wheat

      And drae grass hem bone lo fire,

      Olketa rut blo olketa bae rotten,

      And olketa flaoa blo olketa bae spred evriwea olsem paoda,

      Bikos olketa rejectim law* blo Jehovah, komanda blo olketa army

      And no respectim toktok blo datfala Holy Wan blo Israel.+

  • Jeremiah 7:20
    Niu World Transleison blo Holy Scripture

    • 20 So diswan nao samting wea Sovereign Lord Jehovah talem, ‘Lukim! Mi bae pourim bigfala kros blo mi lo disfala ples,+ lo olketa man and animal, lo olketa tree lo disfala land and lo olketa kaikai lo graon. Kros blo mi hem olsem fire wea no savve dae.’+

  • Ezekiel 20:47
    Niu World Transleison blo Holy Scripture

    • 47 Iu sei olsem lo forest lo south, ‘Herem toktok blo Jehovah. Diswan nao wanem Sovereign Lord Jehovah hem talem: “Bae mi laetem fire againstim iu,+ and bae hem bonem evri tree wea stap lo iu, evri tree wea green and evri drae tree. Datfala fire wea laet bae no savve finis,+ and evri feis bae bone lo datfala fire, start lo south go kasem north.