13 Bat Moses sei lo Jehovah: “Iu iusim paoa blo iu for tekem pipol hia aot from Egypt. Sapos olketa blo Egypt herem wat iu duim,+ 14 bae olketa story abaotem diswan lo pipol blo disfala land. Olketa tu herem dat iu, Jehovah, iu stap witim pipol hia+ and iu story witim olketa feis tu feis.+ Iu nao Jehovah and cloud blo iu stap antap camp blo olketa, and iu go firstaem lo olketa insaed cloud* hia lo daytaem and insaed cloud hia wea luk olsem fire* lo naet taem.+ 15 Sapos iu killim dae evri pipol hia wantaem,* olketa nation wea herem olketa story abaotem iu bae sei: 16 ‘Jehovah no fit for tekem pipol hia go insaed land wea hem promis for givim lo olketa dastawe hem killim dae evriwan insaed lo wilderness.’+

27 Tingim olketa servant blo iu Abraham, Isaac, and Jacob.+ Forgivim pipol hia wea bighed, wea duim wicked samting, and wea sin.+ 28 Sapos nomoa pipol wea iu tekem mifala kamaot from land blo olketa maet sei: “Jehovah no fit for tekem pipol hia go insaed land wea hem promis for givim lo olketa, and bikos hem heitim olketa, hem tekem olketa go aot for killim olketa dae lo wilderness.”+

22 Jehovah seleva nao chusim iufala for kamap pipol blo hem,+ and from Jehovah tingim nambawan nem blo hem,+ hem bae no lusim pipol blo hem.+