32 Lo dat taem, olketa pipol lukim Moses no kam daon kwiktaem from datfala maunten.+ So olketa hipap raonem Aaron and sei: “Iu mekem wanfala god for mifala wea bae leadim mifala+ bikos mifala no savve wat nao happen lo datfala man Moses, wea leadim mifala aot from land lo Egypt.”

4 Then hem tekem olketa gold hia from olketa, and hem iusim chisel for mekem wanfala statue* blo young buluka.+ Then olketa sei: “Pipol blo Israel, diswan nao God blo iumi, wea tekem iumi kamaot from land lo Egypt.”+

25 Taem olketa Israelite stap lo Shittim+ olketa start for durong witim olketa woman lo Moab.+ 2 Olketa woman lo Moab invaetem olketa Israelite hia for go witim olketa taem olketa offerim olketa sakrifaes lo olketa god blo olketa,+ and olketa Israelite hia start for kaikai and baodaon lo olketa god blo olketa Moabite.+

42 So God lusim olketa and letem olketa for worshipim olketa army lo skae,+ olsem olketa raetem finis insaed buk blo Olketa Profet, wea sei: ‘Ino lo mi nao iufala givim olketa offering and mekem olketa sakrifaes for 40 years wea iufala stap lo wilderness, iaman, O pipol blo Israel?