49 “Jehovah bae sendem wanfala nation from farawe,+ from end blo earth for attakim iufala kwiktaem olsem wanfala eagle+ hem attakim animal wea hem laek kaikaim. Nation wea iufala bae no savve lo languis blo hem.+

51 Olketa bae kaikaim olketa pikinini blo olketa animal blo iufala, and evriting wea iufala plantim, go kasem taem iufala finis. Olketa bae no leavim eni grain, niu wine or oil, young buluka or sheepsheep for iufala, go kasem taem olketa distroem iufala.+