28 “And iu, son blo man, iu talemaot profesi and sei, ‘Diswan nao wanem Sovereign Lord Jehovah hem talem abaotem olketa Ammonite and abaotem nogud toktok wea olketa talem.’ Iu sei, ‘Wanfala sword! Wanfala sword olketa aotem for killim man dae. Olketa polishim finis for killim man dae and hem shaen olsem laetning.

32 Iu bae kamap olsem firewood for laetem fire.+ Blood blo iu bae kapsaet lo land hia, and no eniwan bae rememberim iu moa, bikos mi Jehovah, mi nao talem diswan.’”