10 Then Jethro sei: “Praisem Jehovah, wea sevem iufala from olketa Egyptian and from Pharaoh. Hem sevem pipol hia from paoa blo Egypt. 11 Distaem nao mi savve dat Jehovah hem winim evri nara god+ bikos hem protectim pipol blo hem from olketa praod enemy wea treatim nogud lo olketa.”

6 Bat wei wea God hem kaen tumas* hem winim datfala wei for jealous. Dastawe, olketa Holy Raeting sei: “God hem againstim olketa wea praod,+ bat hem kaen tumas lo olketa wea hambol.”+