28 Jesus sei lo olketa: “Mi talem iufala tru samting, lo taem wea evri samting kamap niu moa, taem Son blo man hem sidaon lo nambawan throne blo hem, iufala wea followim mi bae sidaon lo 12-fala throne and judgem 12-fala tribe blo Israel.+

29 And mi mekem wanfala covenant witim iufala, olsem Dadi blo mi tu hem mekem wanfala covenant witim mi, for wanfala Kingdom,+

6 and hem mekem iumi kamap wanfala kingdom,+ olketa priest+ for God and Dadi blo hem, yes, hem mas kasem glory and paoa for olowe. Amen.

21 Man wea win+ bae mi letem hem for sidaon witim mi lo throne blo mi,+ olsem mi tu mi win and sidaon+ witim Dadi blo mi lo throne blo hem.

9 And olketa singim wanfala niu song+ olsem: “Iu nao fit for tekem datfala scroll and openem olketa seal blo hem, bikos olketa killim iu dae and iu iusim blood blo iu for baem pipol+ from evri tribe and languis and pipol and nation+ for givim lo God, 10 and iu mekem olketa for kamap wanfala kingdom+ and olketa priest blo God blo iumi,+ and olketa bae kamap olketa king+ for rul ovarem disfala earth.”

4 And mi lukim olketa throne, and olketa wea sidaon lo olketa throne hia kasem authority for judgem pipol. Yes, mi lukim olketa* wea pipol killim olketa dae bikos olketa witness abaotem Jesus and preach abaotem God, and olketa wea no worshipim datfala wild animal or image blo hem, and olketa no kasem datfala mark lo forhed blo olketa and lo hand blo olketa.+ And olketa kasem nao datfala laef and kamap olketa king wea rul witim Christ+ for 1,000 year.