• 1 Samuel 2:7, 8
    Niu World Transleison blo Holy Scripture

    •  7 Jehovah mekem man poor, and hem mekem man rich.+

      Hem daonem man, and hem savve mekhae lo man.+

       8 Hem liftimap from dust olketa wea pipol ting daonem.

      Hem liftimap from asis* olketa wea poor,+

      For mekem olketa sidaon witim olketa leader,

      And for givim hae position lo olketa.

      Faondeson blo earth hem lo hand blo Jehovah,+

      And hem putim earth antap lo hem.

  • Daniel 4:17
    Niu World Transleison blo Holy Scripture

    • 17 Diswan nao judgment wea olketa watchman talemaot,+ and samting wea olketa holy wan talemaot, mekem pipol wea laef mas savve dat Most Hae nao hem Ruler lo kingdom blo olketa man+ and hem bae givim rul lo eniwan wea hem laekem nomata lo olketa man nating tu.”