Wastaoa ONLINE LIBRARY

Ezra 1:1, 2

Niu World Transleison blo Holy Scripture
- 1 Lo first year blo King Cyrus+ blo Persia, Jehovah muvim heart* blo King Cyrus blo Persia, for givim wanfala order wea olketa mas announcem lo full kingdom blo hem and wea olketa mas raetem datwan tu. Diswan hem for toktok blo Jehovah wea Jeremiah+ talem bae fulfill. Order hia hem olsem:+
  
  2 “Diswan nao samting wea King Cyrus blo Persia, hem talem, ‘Jehovah, God wea rul lo heven, hem givim mi evri kingdom lo earth,+ and hem appointim mi for buildim wanfala haos for hem lo Jerusalem,+ wea stap lo Judah.

Psalms 79:1

Niu World Transleison blo Holy Scripture
- 79 O God, olketa nation kam insaed land blo iu,+
  Olketa mekem holy temple blo iu no klin,+
  Olketa mekem Jerusalem hem kamap hip ston nomoa.+

Isaiah 64:10

Niu World Transleison blo Holy Scripture
- 10 Olketa holy taon blo iu olketa kamap wanfala wilderness.
  
  Zion hem kamap wanfala wilderness,
  Jerusalem hem stap emti nao.+

Lamentations 1:1

Niu World Transleison blo Holy Scripture
- 1 Hem sidaon seleva nao distaem, datfala taon wea fulap lo pipol!+
  
  Bifor, hem garem staka pipol winim olketa nara nation, bat distaem hem kamap olsem wanfala widow!+
  
  Hem wanfala princess wea rul ovarem olketa nara province, bat distaem hem kamap slave nao!+