25 Iu mas savve and minim dat start from taem wea komand hem go aot for buildim bak Jerusalem+ and mekem hem olsem lo firstaem, go kasem Messiah*+ datfala Leader,+ bae hem 7 week, and tu, 62 week.+ Olketa bae buildim hem bak and mekem hem olsem lo firstaem, and hem bae garem pablik area and bigfala drain raonem, bat pipol bae duim diswan lo taem blo bigfala trabol.

45 Philip go meetim Nathanael+ and sei lo hem: “Mifala faendem nao datfala man wea Moses hem raet abaotem lo Law, and wea olketa Profet tu raet abaotem. Hem Jesus, datfala son blo Joseph+ wea hem from Nazareth.”

49 Nathanael sei lo hem: “Rabbi, mi savve iu nao datfala Son blo God, iu nao King blo Israel.”+