-
Isaiah 26:20Niu World Transleison blo Holy Scripture
-
-
Iufala haed insaed for lelebet taem
Go kasem taem kros blo God hem finis.+
-
-
Joel 2:31, 32Niu World Transleison blo Holy Scripture
-
-
31 Sun bae kamap dark and moon bae red olsem blood+
Bifor datfala big day blo Jehovah hem kam, wea man fit for sapraes lo hem.+
32 And evriwan wea kol lo nem blo Jehovah bae sev.+
Bikos olketa wea sev bae stap lo Maunt Zion and lo Jerusalem,+ olsem Jehovah hem bin talem,
Olketa wea sev wea Jehovah nao singaotem olketa.”
-
-
Matthew 24:21, 22Niu World Transleison blo Holy Scripture
-
-
21 Bikos bae bigfala trabol+ kamap wea hem winim eni trabol wea happen start kam lo taem world hem start, kam kasem distaem, and no enitaem moa trabol olsem bae happen.+ 22 Bae no eniwan sev sapos God no katem short taem blo datfala trabol. Bat from hem tingim olketa wea hem bin chusim, bae hem katem short taem blo trabol hia.+
-
-
Revelation 7:13, 14Niu World Transleison blo Holy Scripture
-
-
13 Then wanfala lo olketa elder hem sei lo mi: “Olketa hia wea werem white kaleko,+ hu nao olketa and wea nao olketa kam from?” 14 Semtaem nomoa mi sei lo hem: “Lord blo mi, iu nao iu savve.” And hem sei lo mi: “Olketa hia hem olketa wea no dae lo datfala big trabol,+ and olketa wasim finis kaleko blo olketa and mekem kamap white lo blood blo datfala Lamb.+
-