16 Lo datfala taem olketa wea fraet lo Jehovah bae story witim each other, each wan witim fren blo hem, and Jehovah gohed herehere and lisin gud lo wat olketa talem. And olketa raetem wanfala buk front lo hem,+ wea garem nem blo olketa wea Jehovah rememberim and olketa wea meditate lo* nem blo hem.+

20 Nomata olsem, iufala mas no hapi bikos olketa demon obeyim iufala, bat iufala mas hapi bikos God hem raetem finis nem blo iufala lo heven.”+

5 So man wea win+ bae werem white kaleko,+ and bae mi no aotem* nem blo hem from datfala buk blo laef,+ bat bae mi talem Dadi blo mi and olketa angel blo hem, mi savve lo nem blo hem.+