10 Olketa Chaldean sei lo king: “No eni man lo earth* hem fit for duim wanem king askem bikos no eni maeti king or governor hem askem kaen samting olsem lo eni priest wea duim magic, or olketa wea duim divination, or lo olketa Chaldean. 11 Samting wea king askem hem hard tumas, and no eniwan stap wea fit for storyim diswan lo king. Only olketa god wea no stap midolwan olketa man* nomoa savve storyim diswan.”